Bachchon Ke Lie Naitik Shiksha - Hindi Inspirational Story

Forest Fox

Bachchon Ke Lie Naitik Shiksha

Kisee jangal mein ek kaalee paree rahatee thee. vah bahut hee shaitaan thee. jangal ke sabhee jaanavar us paree se bahut pareshaan the. vah sabhee jaanavaron ko bahut sataatee thee. ya to vah kabhee jaanavaron ke khaane ko chhupa detee thee, ya phir sote hue jaanavaron ke oopar paanee gira detee thee. jangal ke jaanavar chaah kar bhee kaalee paree ka kuchh nahin bigaad sakate the. ek din, sher ne jangal mein sabha bulaee, tabhee sher ne apanee baat aage rakhee, is kaalee paree ne poore jangal ko pareshaan kar diya hai. isapar ek bandar kahata par mahaaraaj ise yahaan se bhagaayen bhee to kaise ? yah itanee shaatir aur shaktishaalee hai ki ham sab to isaka baal bhee baanka nahin kar sakate. sher unakee baaton par kahate haan, par is shaitaan paree ko is jangal se bhagaane ka koee upaay to dhoondhana hoga.

lomri sher se kahatee mahaaraaj, is paree ko bhagaana, ham jaanavaron ke bas kee baat nahin hai. isase achchha to ham sab hee yahaan se bhaag jaate hain. tabhee bandar haan sher se kahata mahaaraaj, mujhe lagata hai ki lomri bahan theek bol rahee hain. par sher maayush hokar sabase kahata par ham is jangal mein bahut samay se rah rahe hain. ise chhod kar ham jaenge bhee kahaan ?

jaanavar soch mein pad jaate hain. tabhee vahaan prisha aur roohee naam kee do pariyaan aatee hain. un donon ko dekhakar sabhee jaanavar dar jaate hain.are baap re ! do pariyaan aur!! lagata hai, yah pariyaan is jangal ko paristhaan banaane kee taiyaaree mein hain. ham to pahale se hee kaalee paree se pareshaan hain. oopar se yah do pariyaan aur aa gayee.

uname se prisha paree sabhee jaanavaro se milatee hai aur kahatee hai, ham yahaan tum sabako pareshaan karane nahin aaye hain. roohee paree bhee kahatee hai haan, ham donon tumhaaree sahaayata karane aur us kaalee paree ko yahaan se le jaane ke lie aaye hain.

sher hairaan hokar pariyon se kahata hai, kya ? kya tum donon sach bol rahee ho ? bandar pariyon se kahata hai kaalee paree hamen itana sata chukee hai, ki mujhe ab tum donon par bhee yakeen nahin ho raha.

prisha paree kahatee hai, tum sab ham par yakeen kar sakate ho. roohee paree haan, hamaara yakeen karo, ham tumhen shikaayat ka koee mauka nahin denge.

doosaree taraph lomri pariyon se kahatee hai, mujhe lagata hai, yah donon sach bol rahee hain, ho sakata hai inakee sahaayata se ham sabako us buree paree se chhutakaara mil jae.

is par sher kahata hai sabase theek hai. main tum donon ko ek mauka dene ke lie taiyaar hoon. par dhyaan rahe - agar tum donon ne jaanavaron ko sataane kee koshish kee, to dand ke lie bhee taiyaar rahana.

pariyaan jaanavaron ka dhanyavaad karatee hain aur vahaan se chalee jaatee hain. unake jaate hee vahaan kaalee paree aatee hai. sabhee jaanavaron ko ek saath dekh kar kaalee paree samajh jaatee hai ki jaanavar use bhagaane kee tarakeeb soch rahe hain.

kaalee paree khudase ye kahatee hai, lagata hai, yahaan mere hee baare mein charcha ho rahee hai.

lekin bandar kaalee paree kee baaten sun leta hai aur kahata hai nahin, nahin to ! ham sab to bas jangal ke vikaas ke baare mein soch rahe the. vaise bhee tumhen jo karana hota hai, vah to tum kar hee letee ho phir tumhaare baare mein baat karake ham apana samay kyon barbaad karen. kaalee paree gusse se sabhee jaanavaro se kahatee hai, lagata hai, khauph nahin raha tumhen mera. ruko abhee maza chakhaatee hoon.

kaalee paree, lomri ko apanee shakti se ek bol bana detee hai. jaise hee lomri bol banatee hai, vah turant vaapas lomri ban jaatee hai. yah sab dekhakar kaalee paree bahut hairaan ho jaatee hai. kaalee paree hairaan hokar are! yah kaise mumakin hai?! mere jaadoo ko is lomri ne kaise toda ?

kaalee paree lomri ke baad bandar ko apana shikaar banaatee hai. vah bandar ke munh par ek kela phenkatee hai, jo vaapas aakar kaalee paree ke munh par hee lag jaata hai.

kaalee paree chauk jaatee hai aur kahatee hai, kuchh to gadabad zaroor hai. lagata hai, in jaanavaron ne kaheen se jaadoo seekh liya hai. kyon na, main in sabako gaharee neend mein sula doon.

jaise hee kaalee paree jaanavaron ko sulaane ke lie mantr padhana shuroo karatee hai, vaise hee prisha aur roohee usake saamane aa jaatee hain. kaalee paree un donon ko dekhakar hairaan ho jaatee hai.

prisha kaalee paree se kahatee hai, kya hua ? bahut pareshaan lag rahee ho ? roohee bhee usake saamane aa jaatee hai, pareshaan nahin, mujhe to yah daree-daree see lag rahee hai.

kaalee paree un pariyon se kahatee hai, kaalee paree kisee se nahin daratee. himmat ho to mukaabala karake dikhao. prisha kaalee paree se kahatee hai, jyaada ghamand achchha nahin hota. behatar hoga tum bina kisee mukaabale ke is jangal se chalee jao. kaalee paree unhen phir chunautee detee hai, kya hua ? lagata hai, tumhen haarane ka dar sata raha hai. roohee hansakar kaalee paree ko javaab detee hai, nahin aisa bilakul nahin hai. ham mukaabale ke lie taiyaar hain.

roohee aur prisha, kaalee paree ko apane jaal mein phansaane ke lie ek tarakeeb sochatee hain.

ham nakal karane ka mukaabala karenge. dekhate hain, kaun jyaada behatar nakal kar sakata hai. kaalee paree pariyon se kahatee hai, yah to mere baen haath ka khel hai. tum pariyon ka jeetana mushkil hai.

mukaabala shuroo hota hai. sabase pahale prisha ek billee ka roop letee hai. yah dekh kar kaalee paree bhee billee ka roop le letee hai. yah dekhakar sabhee jaanavar bahut khush hote hain. prisha aur kaalee paree apane asalee roop mein vaapas aatee hain. mukaabala isee tarah kaaphee der tak chalata hai. ant mein roohee ek botal ke andar chalee jaatee hai. yah dekhakar kaalee paree bhee botal ke andar chalee jaatee hai. jaise hee vah botal ke andar jaatee hai, prisha jaldee se us botal ko band kar detee hai aur kaalee paree hamesha ke lie kaid ho jaatee hai.

ab tum apanee sahee jagah par pahunch gaee ho. prisha paree kaalee paree se kahatee hain. haan, yah murkh paree kabhee akl ka istemaal nahin karatee, vaise ab yah is jangal ke to kya - kisee bhee jangal ke jaanavaron ko pareshaan nahin kar paegee.

kaalee paree ko botal mein band dekhakar sabhee jaanavar bahut khush hote hain. vah prisha aur roohee ka dhanyavaad karate hain. vah donon kaalee paree ko lekar paristhaan chalee jaatee hain aur jaanavar khushee-khushee jangal mein rahane lagate hain.

Shiksha : - is kahaanee se hamen yah shiksha milatee hai ki hame nakal bhee akl ka prayog karake hee karanee chaahie.