Ek murkh sher ki kahani - Prernadayak Hindi Kahani

Lion

Ek murkh sher ki kahani - Prernadayak Hindi Kahani

ek jangal mein ek sher rahata tha . sher us jangal ka raaja tha . vah bahut taakatavar hone ke saath -saath kaaphee gusse vaala bhee tha . kabhee - kabhee vo gusse mein bahut galat phaisale le liya karata tha, jisaka phal jangal ke jaanavaron ko bhugatana padata tha. ek din vah sher apane saathee babaloo ke saath nadee ke kinaare ghoom raha tha, tabhee nadee ko dekhakar sher ne apane saathee (babaloo) se poochha, ki hamaaree is nadee ka paanee kaha jaata hai. babaloo ne kaha ki ye nadee hamaare jangal se nikal kar poorv ke doosare jangalon kee or jaatee hai. yah sun vah gusse se tilamila utha ki hamaaree nadee ka paanee doosare jangal ke jaanavar kaise pee sakate hain. sher ne babaloo ko aadesh diya ki is nadee ke paas deevaar bana do taakee doosare taraph ke jaanavar hamaara paanee na pee paen. nadee par deevaar banane kee vajah se nadee ka paanee jangal mein ghusane laga jis kaaran se sabhee jangal ke jaanavar pareshaan hokar babaloo ke paas gae aur usase madad maangee.

Animal

Jangal ke jaanavaron kee pareshaanee jaanakar babaloo ke dimaag mein ek tarakeeb aaee babaloo aadhee raat ko bhaaloo ke paas gaya jo har din subah hone par ek ghanta bajaaya karata tha. babaloo ne bhaaloo se kaha ki ghanta abhee baja do. bhaaloo ne yahee kiya aur jor se ghanta baja diya. ghante kee aavaaj sunakar sher bhaaloo ke paas aaya aur bola abhee subah nahin huee hai, tab babaloo ne kaha mahaaraaj subah ho gaee par sooraj nahin nikala hai, yah sun kar sher gussa ho gaya aur babaloo se poochha ki sooraj kyo nahin nikala hai. tab babaloo ne bola mahaaraaj jis tarah se hamane poorv ke doosare jangalo ka paanee roka hai usee tarah se unhone sooraj ko rok liya hai aur ab yahaan kabhee sooraj nahee dikhega. babaloo kee is baat ko sun sher ne poochha ab kya karen ? tab babaloo ne ek upaay bataaya aur bola mahaaraaj kyon na ham apana paanee unako bhee istemaal karane den badale mein ve hame apana sooraj denge . babaloo kee is baat ko sunakar sher ne usakee baat maan lee aur bhaaloo ko nadee kee deevaar todane ka aadesh diya . bhaaloo ne nadee kee deevaar tod dee aur tab tak sooraj ke nikale ka samay bhee ho gaya tha.

is kahaanee se hamen yah seekh milatee hai ki har pareshaanee ka koee na koee hal hota hee hai, hamen bas shaant rah kar apanee soojhaboojh se kaam lena chaahie.