Bheekh Maangata Bachcha - Inspirational Hindi Story

Bheekh Maangata Bachcha

sadak kinaare ek chhota bachcha bahut gande aur phate hue kapade pahane aate jaate logon se bheekh maang raha tha. thand se bachane ke lie usake paas ek puraana phata hua joot ka vora tha, jo logon ko paas aata dekh vah apane oopar se hata deta tha, shaayad iseelie ki usaka sooja hua ajeeb sa dayaneey chehara log dekhakar use bheekh den.

main bhee usase kuchh door khada dhoop sek raha tha. aur man mein ek hee khyaal chal raha tha ki bhikhaaree svayan bheekh maangate hain, yahaan tak theek hai parantu apane bachchon se bheekh mangavaana aparaadh hai aur main isase napharat karata hoon .

bahut der se main us bachche kee harakat dekh raha tha . aur usake maata pita ko bharapoor kos raha tha. kareeb bees minat ho gaye the, abhee tak kisee ne bhee usako bheekh nahin dee thee aur yah dekh kar main bahut prasann tha, shaayad us bachche ko samajh aaye ki bheekh maangane se nahin milata, mehanat kar kamaana padata hai .

main bhee vahaan se ab nikalane kee taiyaaree mein tha, aur us bhikhaaree bachche ne vora odh liya tha. tabhee ek vyakti ne vore se dhake us bhikhaaree ko haath se hilaaya, aur vah bachcha uthakar khada ho gaya. us vyakti ne bhikhaaree bachche ko ek paanch roopaye vaala biskut ka paiket aur ek sikka bhee diya . main bahut naaraaj hua aur us vyakti ko samajhaane ka man banaakar usake paas gaya.

bhikhaaree ek takatakee lagae us vyakti ko ghoore ja raha tha. main kuchh bolata isake pahale us ajanabee vyakti ne bhikhaaree se poochha, kya dekh rahe ho, chaay piyoge .

bachche ne aankhon mein aansoo bharakar kaha – saahab aapakee aankhon ko dekh raha tha, doosaron se alag kaise hain. aur itana kahate hue usane najaren jhuka leen.

main bhee stabdh rah gaya. us vyakti ne jab poochha ki beta tumhaare maata pita kahaan hain, to usane bataaya ki pita ka pata nahin, aur maan ko raat ko kuchh log jabaradastee kaar mein daal kar le gaye. pahale to maan subah hee aa jaatee thee, parantu abakee do din ho gae. usee ka yahaan intajaar kar raha hoon, maan ke aate hee ham yahaan se chale jaayenge .

main apanee aankhon se aansuon ko rok nahin paaya, mere paas ke saare paise aur svetar bhee utaarakar dene ko taiyaar ho gaya, lekin apanee bhaavanaon ko rok kar, paas ke thele se chaar samose aur chaay laakar bachche ko dee. aur apane aadarshon ko kosate hue vahaan se nikal gaya.